Memory i lokkung

    Mata lape tarpodom padahal panorang domma pagi jam 4.00 WIB. halani lang tarpodom, hubuka ma blog on janah taringat ma diri tikki ihuta.

Huta Lokkung

       Mardingat tikki dakdanak ope, masuk SD ma tahun 1989, aima SD GKPS Marjandi dolok, goran ni do SD GKPS Marjandi dolok, tapi i lokkung do sikolah ai. Anggo nini namatua memang SD on i Marjandi Dolok do hinan, halani daoh i pindahkon ma hu lokkung..

       Masuk kalas 1 marumur 6 tahun, guru kalas 1 tikki ia aima "Guru Piring". lang huboto mase ai panggorani bani bapak guru ai, bani kalas 2 pe mangajar do tong bapak ai. jadi merangkap do ia, mungkin halani minim ni guru tikki ai. 4 halak do guru bani panorang ai, bani kalas 1 pakon 2, aima "Guru Piring", kalas 3 aima L. Sinaga, Kalas 4 pakon 5 aima J. Sinaga, Guru kalas 6 aima J. Saragih merangkap Kepala Sekolah.

      Masuk hu kalas 1 takkas pe pardingat, kaki ayam alias lang maralas kaki husikolah, hassi pe murid baru, janah lang pitah diri sonai. Dong do nian na marsolop, tapi lang piga-piga halak, bahatan markaki ayam do. Sakalas hinan na takkas hudingat aima Jon Edi Posman Sinaga (Edi=au sandiri),John Evendi Saragih (Even), Delnita Saragih (Delni), (Alm)Jenri Aman Sidabariba (Jenri), Rustam Efendi Sinaga (Rustam), Kristian Saragih (Tian), Heltiana Sinaga (Helti), Suriani Sumbayak (Suri), Azlena Rose K Purba (Rose), Liza Wati Purba (Ija), Jon Sayurdin (Undin). Mungkin dong piga halak lang tarsobut halani ingatan diri hurang takkas bani tikki ai, halani domma dokah tarlopusi.

      Panorang tikki ai, halani hurang bahat ni guru, anggo dasma les Penjas i suruh ma huluar ruangan. Olah raga ni pitah marbola kasti do torus. Pelajaran Penjas nggo lang salah au, i mulai humbani kalas 3. jadi mulai kalas 3 das hubani kalas 6 asal pelajaran penjas marbola kasti ma.

     Guro-guro tikki ai, mar-duel-duel, mar-cas (pake kartu gambar), mar-guli, mar-karet, mar-ayak-ayak, mar-kong, martangsi (daboru), mar-galapang, mar-jalekkat pakon nalegan. Mulak sikolah, bahatan do hujuma. mulak hunjuma mamboan soban, dong na manjujung, dong na mangabarai, sipata soban igojoshon..

     Listrik bani panorang ai domma dong, tapi lape PLN. Genset diesel do pe hassa na dong, aipe olat ni jam 21.00 Wib dassa, siap ai ipamate ma, janah masuk ma lampu teplok das bani sogodni. Genset ai pe sipata manggoluh sipata lang, nggo maseda ma genset ai, marlampu teplok ma marlajar. marbirong ma igung, halani timus ni lampu teplok nidokan.....

Sonai ma otik pardingat tikki ai.
Panorang domma 5.30 WIB, husuba ma lobei modom..
Hurang lobihni, marsiarusan ma hita.. hehe..
Isambung holi use panorang na laho roh..


Diatei Tupa
(Edi Sinaga)